КР Акыйкатчы институтунун жетекчилиги "Кыргызстандын Укуктук клиникалар ассоциациясы" юридикалык жактар бирикмесинин жетекчиси жана өкүлдөрү менен жолугушту
Бүгүн, 2021-жылдын 12-апрелинде, Кыргыз Республикасынын Акыйкатчысы (Омбудсмени) Токон Мамытов жана Акыйкатчы аппаратынын жетекчиси Аскат Азарбеков "Кыргызстандын Укуктук клиникалар ассоциациясы" юридикалык жактар бирикмесинин өкүлдөрү менен жолугушту.
Жолугушууга катышкандар: Наргиза Жеңишева - АЮКК Укуктук клиникалар ассоциациясынын долбоор боюнча адиси;
Бакиров Артур - "Кыргызстандын укуктук клиникалар ассоциациясы" ЮЖБнын президенти;
Назима Көчкөнбаева - Кыргызстандын укуктук клиникалар ассоциациясынын PR адиси.
Жолугушуунун жүрүшүндө тараптар мындан аркы кызматташтык маселелерин талкуулашты. Тараптар түзүүгө ниеттенип жаткан Меморандумдун тексти талкууланды.
Ошондой эле, алдыдагы иш-чараларга даярдыктын жүрүшү талкууланды: бул 2021-жылдын 15-апрелинде "Жаш Муун" жаштар борборунда өтүүчү- "Кыргыз Республикасынын Акыйкатчысы - Адам укуктарын коргоо институту" квизи. Форматы - оффлайн режиминде өтөт.
Мындан тышкары 20-апрелде “Акыйкатчы (Омбудсмен) институту жана пандемия учурунда адам укуктарын коргоону камсыз кылууга жаңы мамилелер” темасында тегерек стол өткөрүү пландаштырылууда.
