Акыйкатчы Военно-Антоновкадагы балдар үйүнүн директорун иштен четтетилишин талап кылат
Военно-Антоновка балдар үйүнүн тарбиялануучусу 12 жаштагы Игорь Якуниндин өлүмү тууралуу маалымат чыгаары менен, КР Акыйкатчысынын Чүй облусу боюнча Өкүлчүлүгүнүн кызматкерлери тарабынан тиешелүү иштер жүргүзүлдү. Жыйынтыгында, белгилүү болгондой жетим балдар жана ата-энесинин камкордугусуз калган балдар үчүн Военно-Антоновкаы балдар үйүнүн 6-классынын окуучусу 2008-жылы 24-июнда туулган Якунин Игорь Сергеевичтин өлүмү фактысы Сокулук РИИБ маалыматтарды каттоо журналында 1-июнда 23:08 минутада катталган. Ушул жылдын 2-июнунда саат 9:24тө Кылмыштардын жана жоруктарды бирдиктүү реестрне (КЖБР) катталган. Тергөөчү- милициянын лейтенанты Өмүрбек уулу Максат. Азыркы учурда тергөө амалдары жүрүп жатат. Балдарды сурамжылоо райондук прокуратуранын кызматкерлери тарабынан жүргүзүлгөнү маалым болду.
Адвокаттын маалыматы боюнча тергөө амалдарын жүргүзүүдө бир катар мыйзам бузуулар орун алган. Адвокатты И.С. Якунинди асырап алууга ниеттенген АКШ жарандарынын үй-бүлөсү жалдаган. Адвокат тарабынан райондун прокуратурасына райондун ички иштер бөлүмүнүн (РИИБ) аракетсиздиги жөнүндө даттануу жолдонгон.
КР Акыйкатчы Институтунун кызматкерлери тарабынан тиешелүү Көңүл буруу актысы жана КР ИИМге ишти кароону ИИМдин Башкы тергөө башкармалыгына өткөрүп берүү тууралуу, ошондой эле КР Билим берүү жана илим министрлигине бул балдар үйүнүн директорунун тергөө иш чаралары мезгилинде кызматынын четтетүү тууралуу кат жолдонгон, Анткени балдар мекемесинин директору ал интернаттын окуучуларынын көрсөтмө берүүсүнө кийлигишүүсү жана бала өлүмүнүн фактысын мүмкүн болгон жаап-жашыруусу эске алынган. Белгилүү болгондой, каза болгон өспүрүм буга чейин өзүн асырап алуучулар менен төрт жолу жолуккан. Мындан тышкары Якунин Игорь жүз берген трагедияга чейин ден соолугу чың болгону тууралуу медициналык маалымкаттар бар.
Белгилеп кетүүчү нерсе, 2020-жылы февралда КР Акыйкатчы Аппаратынын Балдарды коргоо бөлүмүнүн кызматкерлери тарабынан балдар мекемелерине, анын ичинде Военно-Антоновка балдар үйүнө да мониторинг жүргүзүлгөн эле. Мониторингдин жыйынтыгында, бир катар сунуштамалар берилген. Бирок, алар өз убагында аткарылган эмес. Бул фактылар боюнча да күнөөлүү адамдарды жоопкерчиликке тартуу боюнча иштер жүргүзүлүүдө.
Белгилеп коюу керек, бул иш КР Акыйкатчысынын (Омбудсменинин) өзгөчө көзөмөлүндө турат, ошондой эле, ушуга окшош кайгылуу окуяларды болтурбоо максатында бардык күч-аракеттер жумшалат, анын ичинде мыйзамдарга өзгөртүүлөрдү киргизүү боюнча сунуштамалар, ошондой эле, бул фактыны иликтөө боюнча Министрлер кабинетинин төрагасынын орун басарынын жетекчилигинде Өкмөттүк комиссия түзүүгө жетишүү боюнча аракеттер жүргүзүлөт.