Логотип Института Омбудсмена (Акыйкатчы) Кыргызской Республики

Кыргыз Республикасынын Акыйкатчысы (Омбудсмени)
Кыргыз Республикасында адамдын жана жарандын укуктарын жана эркиндиктерин соктоого парламенттик контроль Акыйкатчы (Омбудсмен) тарабынан жүзөгө ашырылат
 
 

Бүгүн 3-октябрда Акыйкатчы Токон Мамытов Өзгөн районунун Куршаб айылынын келген жашоочуларын кабыл алды.

Кабыл алууга келген жарандар (жалпысынан 45 адам) “Аман Банктын” филиал бөлүмүнө 2011-жылдан 2018-жылдын сентябрь айына чейин аманаттыкка акча салып, бирок банктан өздөрүнө алуу убактысы келгенде ала албай калышкан.

Кенен маалымат...

Акыйкатчынын бүгүнкү, 2-октябрдагы жолугушуу ”Саясий туткундарды коргоо” комитетинин өкүлү Зульфия Марат менен уланды.

Кенен маалымат...

 Бүгүн, 2-октябрь күнү Кыргыз Республикасынан Акыйкатчысы Токон Мамытов Адам укуктары боюнча Дания институтунун (ДИПЧ) өкүлү Болот Исаков менен жолукту.

Кенен маалымат...

Бүгүн, 1-октябрда Акыйкатчы алгачкы ирет жарандарды кабыл алды.

Акыйкатчынын жеке кабыл алуусунда 10дон ашык адам болуп, ар бири өз укуктарын коргоп берүүнү суранышты. Алыскы Ош, Жалал-Абад, Ысык-Көл облусттарынан жана жакынкы Сокулук, Аламүдүн, Кемин райондорунан келген жарандардын көпчүлүгү соттук чечимдерге нааразычылыгын айтышып, ал чечимдерине каршы экендигин билдиришти. Турак-жай талаш, жер-талаш маселесинен тышкары социалдык көйгөйлөр менен келгендер да арбын болду.

Кенен маалымат...

Коомчулукка белгилүү болгондой, Баткен районунун Сайтраим Абдилатов аттуу тургуну уулу күнөөсүз жерден кылмышка шектелип жатканын айтып, акыйкат издеп 22-сентябрда Бишкекке жөө жөнөгөн. Бул окуяны Акыйкатчы Токон Мамытов көңүл сыртында калтырбай, ал кишинин ал-абалын, арыз-муңун угуу үчүн жолугушууну болжоп жатканда, Сайтраим аксакалды туугандары жолдон артка кайтарып алып кетишкени белгилүү болду.

Кенен маалымат...

Парламент тарабынан шайланган Кыргызстандын Акыйкатчысы  Токон Мамытов кечээ 27-сентябрда Жогорку Кеңештин депутаттарынын алдында ант берди. Ал Акыйкатчы катары адам укугунун корголушун камсыз кылууга, Конституцияны жана мыйзамдарды сактоого, адилеттүүлүктү жана абийирди туу тутууга сөз берди.

Кенен маалымат...

2018-жылдын 18-сентябрь күнү Акыйкатчы аппаратынын аскер кызматчыларынын укуктарын коргоо бөлүмүнүн башчысы Өмүрзак уулу Замирбек Бишкек гарнизонунун аскер прокуратурасынын прокурордун жардамчысы, кичи лейтенант Б.Мойдунов менен биргеликте Бишкек шаарында жайгашкан гауптвахтаны жана Кой-Таш айылында жайгашкан №73809 аскер бөлүгүнө барышып, аскерлердин абалы, жашоо-шарты менен таанышып, алардын укуктарынын, эркиндиктеринин сакталышына көзөмөл жүргүзүп, пландуу мониторинг жүргүзүп келишти.

Кенен маалымат...

КР Акыйкатчысынын орунбасары Е. Алимбаев 23-чү жолу болуп жаткан жыл сайын өтүүчү Азия-Тынч океандык форумунун жалпы чогулушунун Улуттук укук коргоочу мекемелердин жана тең укуктуулук суроолору боюнча Эл аралык конференцияга катышууда. Аталган иш- чара Гонконг шаарында өтүүдө.

Кенен маалымат...

Кыргыз Республикасынын көз карансыздыгынын күнүнө карата, КРнын Юстиция министрлигинин 2009-жылдын 4-сентябрындагы №187 буйругу менен бекитилген КРнын Юстиция министрлигинин сыйлыктары жөнүндө жобого ылайык, КРнын Юстиция министрлигинин ведомстволук сыйлыктары менен сыйлоо боюнча комиссиянын 2018-жылдын 29-августундагы отурумунун чечиминин негизинде Кыргыз Республикасынын Юстиция министрлигинин “Юстициянын мыкты кызматкери” медалы менен КРнын Акыйкатчы (Омбудсмен) Аппаратынын укук коргоо органдары тарабынан жана эркиндиги чектелген жайлардагы адамдардын укуктарын сакталышын көзөмөлдөө бөлүмүнүн башчысы Колопов Альберт Сексенбаевич сыйланды.

Кенен маалымат...

Үстүбүздөгү жылдын 5-сентябрынан 8-сентябрына чейин Акыйкатчы (Омбудсмен) аппаратынын Жарандык-саясий, укуктарды, мигранттардын, чет элдик жарандардын жана аскер кызматчыларынын укуктарын коргоо бөлүмүнүн кызматкерлери менен аппараттын Ош облусундагы өкүлчүлүгү Ош шаарында жайгашкан Куралдуу күчтөрдүн аскер бөлүгүндөгү аскерлердин укуктары менен эркиндиктеринин сакталышын көзөмөлдөө максатында иш-сапарга чыгып келишти.  

Кенен маалымат...

Үстүбүздөгү жылдын 7-сентябрында Акыйкатчы (Омбудсмен) институтунун кызматкерлери  «Кыргыз Республикасынын жаңы жазык мыйзамдары соттук-укуктук реформалардын алкагында» темасы боюнча өткөрүлгөн тренингге катышышты. Аталган иш-чарага КР Юстиция министрлигинин кызматкерлери жана бейөкмөт уюмунун өкүлдөрү да болушту. 

Кенен маалымат...

2018-жылдын 27-август күнү Кыргыз Республикасынын ички иштер министрлигине караштуу, милициянын генерал-майору Ж.Ш.Шабиров атындагы Республикалык окуу борборунун курсанттарына Акыйкатчы Аппаратынын жарандык-саясий укуктарды, мигранттардын, чет элдик жарандардын жана аскер кызматкерлеринин укуктарын коргоо бөлүмүнүн башчысы Өмүрзак уулу Замирбек  Кыргыз Республикасында адам жарандардын укуктарын, эркиндиктеринин сакталышынын абалы, адамдын эркиндиги жана укугун сыйлоо аны бузууга жол бербөө, кыйноолорду жана башка катаал, адамкерчиликсиз же кадыр-баркты басмырлаган мамиленин же жазанын түрлөрүн алдын-алуу боюнча лекция окуду. Ошондой эле КРнын Акыйкатчысынын (Омбудсменинин) ишмердүүлүгү жөнүндө кеңири маалымат берилди.

Кенен маалымат...

«Кыргыз Республикасынын Омбудсмени (Акыйкатчысы) жөнүндө» Кыргыз Республикасынын Мыйзамынын 4-беренесинин талаптарына ылайык, Кыргыз Республикасынын Акыйкатчысын (Омбудсменин) Кыргыз Республикасынын Жогорку Кенеши шайлаганына жана Акыйкатчынын (Омбудсмендин) кызмат ордуна талапкерди сунуш кылуу укугуна Парламенттик фракциялар ээ болгонуна байланыштуу, Кыргыз Республикасынын Акыйкатчысынын эмгек жамаатынын атынан Парламенттик фракциялардын («Кыргыз Социал-демократиялык партиясы», «Республика - Ата Журт», «Ата Мекен», «Кыргызстан», «Бир Бол», «Өнүгүү-Прогресс») лидерлерине карата кайрылып Аралбаев Урмат Сагыналиевичке ишеним көргөзүп аны Кыргыз Республикасынын Акыйкатчысынын кызмат ордуна талапкер катары алар жетектеген Парламенттик фракциясынын атынан Кыргыз Республикасынын Жогорку Кенешине сунуштоону суранды.

Кенен маалымат...

2018-жылдын 8-августунда  Кыргыз Республикасынын Акыйкатчысынын  (Омбудсменинин) орун басары Г.Жамгырчиева Акыйкатчы Аппаратынын балдардын укугун коргоо бөлүмү менен бирдикте Бириккен улуттар уюмунун балдарды коргоо ЮНИСЕФ уюмунун Кыргызстандагы өкүлчүлүгү менен жолугушуу өткөрдү.

Кенен маалымат...